Partia Demokratike ka akuzuar Kryeministrin Edi Rama se prej muajsh ka ndërmarrë një fushatë për të fshehur realitetin e prodhimit, trafikimit të drogës dhe të kapjes së shtetit nga krimi.
Opozita thotë se nga manipulimi i realitetit përfitojnë vetëm kriminelët, trafikantët, të korruptuarit dhe kreu i qeverisë.
Për demokratët, qëndrimet e Kryeministrit janë mesazh i qartë, inkurajues për kriminelët, që të vazhdojnë të patrazuar, pasi shteti nuk e ka prioritet luftën kundër tyre.
Sipas Partisë Demokratike, veprimet e mosveprimet e Kryeministrit dhe pushtetarëve të tij, i dhanë lirinë një krimineli si Lulzim Berisha, lanë jashtë burgut Klement Balilin dhe po mbajnë në pushtet Elvis Rroshin.
