Deputeti i Partisë Socialiste, Taulant Balla reagoi sot ndaj deklaratës së kreut të PD-së Lulzim Basha për grevën e studentëve, duke e akuzuar atë se po shantazhon prokurorinë.
Balla shkruan në rrjetin social “Facebook’ se, Basha kërcënon punonjësit e policisë së shtetit ndërkohë që i thotë edhe prokurorisë të mos rrijë duarkryq.
“I akuzuari, i padënuar ende për 230 milionë euro vjedhje. I akuzuari, i padënuar ende për vrasjen e 4 shqiptarëve, kërcënon punonjësit e ndershëm të policisë dhe guxon të shantazhojë edhe prokurorinë, të cilës i shmangej nga hetimi me raporte mjekësore false apo me vizita jashtë shtetit, sa herë që thirrej nga prokurorët për t’u pyetur”, reagon Taulant Balla në Facebook.
