Në prag të shenjtërimit CNN i ka kushtuar një hapësirë të veçantë veshjes së Nënë Terezës.
Veshjen tradicionale indiane të quajtur sari, e ka modifikuar në ngjyrat bardhë e kaltër.
Kjo veshje ishte simbol i varfërisë, ndërsa murgesha shqiptare nuk donte të dallohej nga nevojtarët me rrobat e rëndomta të misionareve të krishtera.
Nënë Tereza e veshi për herë të parë në 1948, ndërsa në Indi prodhohen 4 mijë të tilla për misionaret në 133 shtete të botës.
Sot në orën 10:30 Nënë Tereza do të shpallet e shenjtë nga Papa në Vatikan në një audiencë të jashtëzakonshme.
