Një fotografi e bërë në Alabama, ka prekur mijëra njerëz nga e gjithë bota. Në foton bardhezi shfaqet gjyshi me nipin 11-muajsh, të dy me serume të vendosura, pasi vuajnë nga një sëmundje e përbashkët, edhe pse në faza të ndryshme të jetës.
Brandy Gragware ka thënë se babai i saj ka operuar dy herë zemrën, edhe pse rezultatet nuk kanë qenë të suksesshme. Ndërsa foshnja e saj Kolibe, në moshën 4-muajsh ka kryer një ndërhyrje, sepse ai ka lindur me defekt në zemër, sëmundje kronike të veshkave dhe sindromën Down.
“Të dy vuajnë nga një problem serioz i zemrës, dhe jeta e tyre është në rrezik. Ndihem e mallëngjyer kur i shikoj së bashku duke vështruar njëri-tjetrin, por jam e tmerruar sepse nuk dihet se sa kohë u ka mbetur për të jetuar”, ka thënë Brandy Gragware.