Ministri i Mjedisit dhe Planifikimit Hapësinor, Ferid Agani ka marrë pjesë në vënien e gurthemelit të fermës së gjelbër me zero mbeturina dhe zero emisione, në Prizren.
Njëri ndër pronarët e këtij projekti, Besim Dobruna, tha se ndërtimi i fermës së gjelbër me zero mbeturina dhe zero emisione duke shfrytezuar biombeturinat dhe energjinë e gjelbër ka për qëllim rritjen e qëndrueshmërisë dhe mbrotjen mjedisore.
Ministri Agani tha se ministria që drejton përkrah projekte të tilla pasi që vlerësojnë se realizimi i projekteve të tilla mundësojnë zbatimin e një modeli të “ekonomisë qarkore“ në fermat bujqësore me qëllim të mbrojtjes së mjedisit, kursimit të energjisë dhe për të rritur përfitimin dhe konkurrencën.
Po ashtu u tha se aplikimi i modelit të ekonomisë qarkore dhe programeve me zero mbeturinave do të mundësojë një zhvillim të qëndrueshëm të fermave në Kosovë.
Projekti kushton rreth 2 milionë euro, ndërsa pronarët kërkuan ndihmën edhe të institucioneve përkatëse për realizimin në tërësi të këtij projekti.