Presidenti i Aleanca Kosova e Re, Behgjet Pacolli ka reaguar për debatin për privatizimin e Qendrës së Rinisë në Prishtinë.
Gjatë një postimi në profilin e tij në Facebook Pacolli ka shprehur qëndrimin e tij kundër privatizimit të kësaj Qendre po ashtu ai ka thënë që të mos keqtrajtohet prona publik.
“Po e shoh sot dhe dy ditët e fundit se po debatohet për privatizimin e Qendrës së Rinisë, e njohur si Qendra "Boro Ramiz".
A thua ka mbetur diçka e keqe pa u bë në Kosovë në këtë drejtim!? Mos e bëni këtë se nuk është pronë e juaja, nuk e keni fituar ju, mos e keqtrajtoni pronën publike.
Kjo Qendër është simbol i madhështisë së Prishtinës.
Kjo vepër është ndërtuar me djersën e qytetarëve dhe nëse ka respekt për të, kjo Qendër nuk duhet të privatizohet, duhet të mbetet aset publik, aset i qytetarëve”, ka shkruar Pacolli në Facebook./A.M.
