Spitali universitar në Dyseldorf ka njoftuar se ndihmës-piloti i aeroplanit “Germanwings”, Andreas Lubitz ka qenë pacient i këtij spitali gjatë dy muajve të fundit.
Lubitz në spital ka ardhur më 10 mars për “shikime diagnostike”, thuhet në njoftim të spitalit, t.
Klinika nuk jep detaje për gjendjen e tij shëndetësore, por demanton raportimet e medieve gjermane që ai aty ishte mjekuar nga depresioni.
Në njoftim shtohet se kartoni i tij shëndetësor i është dhënë prokurorisë në Dyseldrof, raporton AP.
Prokuroria gjermane ka njoftuar se Lubitz, për të cilin dyshohet se qëllimisht e rrëzoi aeroplanin me 150 udhëtarë, ka qenë në pushim mjekësor ditën e fatkeqësisë, por këtë nuk ua ka treguar punëdhënësve.
Organet hetimore thonë se Lubitz e ka fshehur depresionin nga punëdhënësit e tij.
Hetuesit në mesin e dokumenteve në shtëpinë e tij i kanë gjetur edhe disa letra të shqyera në të cilat janë udhëzimet për pushim mjekësor, që i ka nënshkruar mjeku i tij. Në mesin e tyre edhe një letër me datën e ditës së tragjedisë në Alpet franceze.
Tash për tash nuk është bërë e ditur arsye se pse Lubitz është dashur të pushojë, por supozohet se në pyetje ishin problemet psikike të lidhura me gjendjen depresive.
