Plisat kanë shprehur mirënjohjen e tyre për mjekët vendorë, të cilët po e luftojnë me të gjitha forcat pandeminë koronavirus.
Përmes një mesazhi të qëlluar, tifo-grupi prishtinas mbështeti mjekët në ditën ndërkombëtare të tyre.
“Me rastin e ditës botërore të doktorëve sot vendosëm një mesazh inkurajues dhe motivues për të gjithë doktorët që po punojnë pa rreshtur për të mirën tonë.
Ky mesazh do të qëndrojë në këtë vend deri në përfundimin e kësaj pandemie.
Qëndroni të fortë, të gjithë jemi me JU”, shkruajnë Plisat në faqen zyrtare.
