Kombëtarja U-18 e Kosovës në hendboll ka zhvilluar ndeshjen e parë stërvitore në kuadër të përgatitjeve për evropianin që nis javën tjetër. Përballë kombëtares sonë ishte ajo e Malit të Zi që e fitoi ndeshjen e luajtur në Gjakovë me rezultat 31:28. Pas pjesës së parë rezultati ishte 15:10 në të mirë të mysafirëve. Përkundër humbjes, kombëtarja jonë pati paraqitje solide, sidomos marrë për bazë faktin që kombëtarja e 18-vjeçarëve është në formim e sipër.