Nuk është kryetrajner Oliver Dimitrovski, por Verim Zherka te Kastrioti i Ferizajt (meshkujt). Kryetari i klubit të hendbollit ferizajas, Lulzim Abazi, tregon arsyet përse e larguan maqedonin brenda një kohë shumë të shkurtër.
“Arsyeja kryesore që jemi bazuar, aftësitë të cilat i kemi pa të trajnerit maqedon dhe kemi vendos më pas.
Ai është vëzhguar me tri-katër stërvitje dhe kemi ardhur në përfundim se nuk ka më shumë se trajnerët tanë, si në punën teknike, taktike, forcë, e në të gjitha elementet tjera. Kështu që si kryesi vendosëm t’i japim shansin Verim Zherkën, ndërsa ndihmës i tij është Blerim Beqiri", tha Abazi për gazetën kombëtare "Bota sot".