Befason Jakup Krasniqi për veteranët e UÇK-së, tregon ku është problemi - Bota Sot
Befason Jakup Krasniqi për veteranët e UÇK-së, tregon ku është problemi

Aktuale

E martë, 25 shtator 2018

Befason Jakup Krasniqi për veteranët e UÇK-së, tregon ku është problemi

Nga: N.Sh Më: 14 shtator 2018 Në ora: 21:37
Ilustrim

Kryetari i Këshillit Kombëtar të Nismës Socialdemokrate, Jakup Krasniqi, pohon se çështja e veteranëve të rremë të UÇK-së, nuk mund të zgjidhet nga sistemi i drejtësisë në Kosovë.

Ai ka thënë se zgjidhja e këtij problemi është kryekreje politike e jo gjyqësore, transmeton gazeta “Bota sot”.

Krasniqi thotë se, zgjedhjen e duhur duhet ta bëjë politika në Kuvendin e Kosovës, duke e kthyer ketë çështje nga fillimi.

“...Veteranët e vërtetë, luftëtarët e lirisë ne një situatë të tillë do të duhej të deklaroheshin kundër këtij privilegji që deri të keqpërdorimi është ardhur për hir të votave që i kanë blerë të fuqishmit e politikës dhe të cilët këtij populli ia kanë bërë jetën ferr”, shkruan Krasniqi.

Më poshtë ua sjellim shkrimin e plotë:

Lajmi i sotëm që ka të bëjë me çështjen e “veteranëve” me shtyrë të mendoj goxha shumë dhe nuk munda të heshtë. Nuk e kam asnjë arsyeje që të mbrojë ndonjë anëtarë të Komisionit Qeveritar, por kam obligim që të them se kjo çështje nuk mund të zgjidhet me Sistemin e Drejtësisë.

Pse?

Se pari, mendoj se zgjidhja e këtij problemi është kryekreje politike e jo gjyqësore.

Se dyti, drejtësia nuk do t’i arrin dot përgjegjësit kryesor të këtij dëmi e mashtrimi të madh të historisë e të ardhmërisë.

Dhe se treti, po të dënoheshin të gjithë fajtorët, më shumë do t’i kushtonin buxhetit të Kosovës sesa numri mashtrues i “veteranëve”.

Prandaj zgjedhjen e duhur duhet ta bëjë politika në Kuvendin e Kosovës, duke e kthyer ketë çështje nga fillimi.

Shoqëria demokratike nuk duhet të luan me fatin e as një individi, e sidomos atëherë kur përgjegjësit kryesor mbesin të pa prekur!

Dhe krejt në fund, Veteranët e vërtetë, luftëtarët e lirisë ne një situatë të tillë do të duhej të deklaroheshin kundër këtij privilegji që deri të keqpërdorimi është ardhur për hir të votave që i kanë blerë të fuqishmit e politikës dhe të cilët këtij populli ia kanë bërë jetën ferr.

Komentet
comments powered by Disqus
Sot mund të lexoni Shfletoni kopertinat
Sondazh
test