Futbollisti shqiptar, Elseid Hysaj, arriti një fitore të rëndësishme ndaj Interit dhe tani është në krye të Serisë A. Mbrojtësi i Kombëtares dha kontributin e tij në këtë sukses të ekipit të Sarrit, duke u përpjekur të pengojë veçanërisht në pjesën e parë, ku u mundua të ndihmojë edhe sulmin.
21vjeçari ishte i saktë në ndërhyrjet e tij, por e vuajti presionin e lojtarëve të Interit në fundin e pjesës së dytë, ashtu si gjithë mbrojtja e Napolit.
“Gazzeta dello Sport” e vlerëson me notën 6: “Sulmon ashtu si i gjithë Napoli në pjesën e parë, ndërkohë që e bën më pak diçka të tillë në të dytën. Sarri vuan disi, por ai nuk gjendet kurrë në vështirësi, ndërkohë që është ndëshkuar edhe me kartonë të verdhë".
