Portieri i Bayer Leverkusenit, Bernd Leno ka insistuar se nuk i kushton rëndësi spekulimeve rreth interesimit nga Real Madrid.
Bernd Leno ka insistuar se është i përqendruar në Bayer Leverkusen pas spekulimeve se Real Madrid është i interesuar për të.
Gjiganti madrilen raportohet se ka identifikuar 23-vjeçarin si pasardhës të Iker Casillasit.
Por, Leno ka theksuar se nuk mendon për një kalim në Santiago Bernabeu.
“Interesimi nga Real Madrid? Kjo është hera e parë që dëgjoj për të”, deklaroi Leno për “Bild”.
“Por, nuk dua të jem pjesë e spekulimeve. Ajo që është e qartë është se Leverkusen është klubi im dhe ndihem shumë mirë këtu”, u shpreh ai.
