Sulmuesi i Barcelonës, Neymar, ka deklaruar se ekipi i tij është në gjendje të mposhtë Real Madridin për të fituar Ligën e Kampionëve.
Reali është në një ecuri prej 21 fitoreve radhazi dhe përkundër faktit se Reali konsiderohet edhe këtë vit favorit për Ligën e Kampionëve, është Neymar ai që dëshiron t'ia ndalë planet Realit.
“Të fitoj Ligën e Kampionëve është ëndërr për mua që prej se kam qenë fëmijë. Dhe natyrisht, paramendoni si duket të fitoj atë me Barcën”.
“Real Madridi është ekip i madh, më i miri në botë”.
“Por, unë besoj në bashklojtarët e mi, unë kam besim në këtë ekip dhe mendoj se mund të bëjmë gjëra të mëdha”, potencoi Neymar.