Sulmuesi i Juventusit, Carlos Tevez , konsideron se është në formën më të mirë të karrierës së tij, pasi regjistroi golin e 11-të sezonal në ndeshjen kundër Lazios.
Zonja e Vjetër fitoi me rezultat 3-0 në Stadio Olimpico, me dy gola të Paul Pogbas dhe një të argjentinasit.
Në këtë mënyrë, 30-vjeçari kryeson në listën e golashënuesve në Serie A, njofton Telegrafi.
“Jam te një klub i madh, jam i lumtur që po bëj lojën time dhe po jap maksimumin në fushë”.
“Pajtohem, kjo është forma më e mirë e karrierës sime”, ka deklaruar Tevez për Sky Sport Italia.