Presidenca franceze ka zyrtarizuar takimin e Emmanuel Macron me kryeministrin Edi Rama. Në facebook zyra e Elysee ka publikuar axhendën e presidentit, ku në datën 15 maj është parashikuar edhe takimi me kryeministrin e Shqipërisë Edi Rama.
Lajmi për takimin e tyre u publikua disa ditë më parë, por vetëm sot është zyrtarizuar.
Takimi i kryeministrit Rama me presidentin Macron vjen vetëm pak ditë përpara se Këshilli i Europës të japë qëndrimin e tij për hapjen e negociatave me Shqipërinë.
Franca është një nga skeptikët për zgjerimin e BE, ndërsa kryeministri Rama do t’i kërkojë Macron votën pro për Shqipërinë.
