Pas Kamzës, kryeministri Edi Rama i shoqëruar edhe nga ministrja e Mbrojtjes Olta Xhaçka ka inspektuar në orët e vona pas mesnate situatën në Fushë Krujë si pasojë e përmbytjeve.
Kryebashkiaku i ka bërë një pasqyrë kryeministrit për numrin e banorëve që janë evakuuar.
Kryeministri Rama theksoi se vazhdojmë përpjekjet për të lehtësuar situatën që në zonën e Fushë-Krujës ka qenë posaçërisht dramatike, por nënvizoi ai,” falë punës fantastike të të gjithëve është mbajtur nën kontroll e po përmirësohet nga ora në orë”.
Rama tha se situata më problematike paraqitet në Jug të vendit.
Ai shtoi se e shtuna do të jetë prova e madhe e përballimit të situatës, pasi gjatë natës pritet që të ketë përmbytje pas fryrjes së shtratit të lumenjve.
“Situata më problematike paraqitet në Jug. Nesër është prova e madhe. Ne jemi në gjendje gatishmërie” deklaroi kreyministri Ramai i cili takoi edhe banorët e evakuuar.
