Ish-kryeministri i vendit Sali Berisha ka shkruar një status në profilin e tij në “Facebook”, ku denoncon shitjen e certifikatave të ALUIZNI-t për para. Ai ka përcjellë mesazhin e një qytetari, që shprehet se drejtori i ALUIZNI-t në Gjirokastër merr para në këmbim të certifikatave të pronësisë.
Statusi i plotë i Sali Berishës:
Ryshfeti është standardi ligjor i shtetit të Noriegës! Qytetari dixhital denoncon: Drejtorin e Aluiznit të Gjirokastrës, se kërkon ryshfet për certifikatën e legalizimit.
Lexoni mesazhin e tij! sb
“Mirëmbrëma z. Berisha! Doja të ndaja një shqetësim me ju. Në Gjirokastër drejtori i Aluiznit për të dhënë certifikatën e pronësisë kërkon lekë pa iu dridhur qerpiku fare. Shkoi babai im për të pyetur ç’bëhej me dokumentet dhe drejtori i thotë: -Sa do më japësh? Nuk kam as inat personal asgjë tjetër. Thjesht duam të drejtën që na takon. Rama trumbeton për certifikatat falas por s’po shohim gjë. Ju faleminderit!”