Kandidatja e djathtë për bashkinë e Durrësit, Grida Duma, ka parë nga afër vendodhjen e depozitimit të plehrave të qytetit në Porto Romano, e cila është kthyer në një burim ndotje alarmante për qytetin.
Për kandidaten e Partisë Demokratike, pastrimi i qytetit është emergjencë, ndërsa theksoi se do të ndërtohet një impiant modern i përpunimit dhe riciklimit të plehrave ç’ka do të mbrojë Durrësin nga ndotja e madhe.
Grida Duma: “Kjo zonë është emergjencë për tu pastruar dhe për të kthyer riciklimin e plehrave edhe në një aktivitet ekonomik, siç e ka gjithë bota. Në fakt plehrat kanë nevojë për një tjetër trajtim. Kanë nevojë për trajtim që në burim ku i hedh secili nga ne. Do ti ndajmë plehrat në 3 kategori dhe do fillojmë që nëpërmjet procesit të riciklimit të ndërtojmë një fabrikë të reciklimit të plehrave shumë herë më moderne e cila është edhe për të shpëtuar ambjentin por edhe për vende pune”.
Grida Duma theksoi se ndërtimi i impiantit të përpunimit dhe riciklimit të plehrave vec shpëtimit të zonës nga papastërtitë, do të hapë edhe shumë vende të reja pune, duke sjellë rivitalizim të ekonomisë.
