60 klandestinë u ndaluan nga Policia Kufitare në Kakavijë. Sipas burimeve policore, klandestinët kishin hyrë në territorin shqiptar rreth orës 22:30 të ditës së djeshme, në fshatin Radat.
Shtetasit e ndaluar kanë hyrë në territorin shqiptar në mënyrë ilegale nëpërmjet kufirit jeshil me shtetin grek, me destinacion Malin e Zi e më pas vendet e BE-së.
Sipas informacioneve, 44 shtetas janë nga Siria, 8 nga Sudani dhe 8 nga Eritrea, shtatë prej të cilëve janë gra dhe dy fëmijë.
Shtetasit u transportuan për në ambientet e Stacionit të Policisë Kufitare Kakavijë për t’u zbatuar procedurat nga Sektori i Migracionit.
