Tirana mbetet dilema e madhe e së majtës për përzgjedhjen e kandidatit më të mirë për kryetar bashkie në zgjedhjet vendore të 21 qershorit.
Burimet bëjnë të ditur se së fundmi është rënë dakord për dy emra; deputeti i majtë dhe ish ministri i Kulturës Blendi Klosi dhe ministri aktual i Mirëqenies Sociale Erjon Veliaj.
Kryeministri dhe kryetari i PS-së Edi Rama ka diskutuar për disa orë pasditen e sotme me deputetët e qarqeve për përzgjedhjen e emrave që do të kandidojnë si kryetar bashkish në zgjedhjet vendore të 21 qershorit.
Pas takimeve të zhvilluara sot edhe me Ilir Metën dhe Shpëtim Idrizin,( i cili u bashkua me të majtën në këto zgjedhje), janë konfirmuar emrat për 17 bashki të vendit, ndërkohë që vijojnë diskutimet për Tiranën; Vlorën; Lushnjen, Shkodrën.
Bashkitë Kandidatët Partia
1. Durrës Vangjush Dako PS
2. Korçë Sotiraq Filo PS
3. Kavajë Elvis Rroshi PS
4. Himarë Gjergji Goro PS
5. Lezhë Vitor Tushe LSI
6. Fier Armando Subashi PS
7. Elbasan Qazim Sejdini PS
8. Kukës Hasan Halili LSI
9. Kamëz Safet Gjici PS
10. Tepelenë Tërmet Peçi PS
11. Klos Xhevdet Reçi PS
12. Peshkopi Shukri Xhelili PS
13. Çorovodë Nesim Spahiu LSI
14. Rrëshen Ndue Ndoci PS
15. Rrogozhinë Nuredin Bushi PDIU
16. Peqin Sajmir Hasalla PDIU
17. Konispol Mimoza Arapi PDIU