Inspektorati Shtetëror i Mjedisit gjobiti sot kompaninë "ARMO", pasi ka bërë shkarkime në lumin Gjanicë të Fierit.
Kompania e naftës është gjobitur me pesë milionë lekë për shkeljet e bëra. Nisur nga kontrolli i ushtruar ndaj kompanisë, inspektorati ka evidentuar shkeljet e bëra për shkarkimet e mbetjeve të hidrokarbureve në lumin Gjanicë, duke i shkaktuar një dëm ekologjik mjedisit përreth.
Mbetjet e kompanisë “ARMO” prej kohësh janë kthyer në shqetësim për banorët e zonës, veçanërisht për Ballshin. Banorët kanë kërkuar shpesh herë ndihmën e qeverisë për të minimizuar dëmet që shkakton kjo kompani nga nxjerrja e naftës.
