Pas deklaratës së Arvizu i cili u bashkohej kritikëve të Edi Ramës së qeveria po nxitohet me aksionet e saj, është përgjigjur kryeministri.
Rama ka thënë se qeveria e tij nuk po punon shpejt, por më ngadalë se çduhet.
“Po punojmë më ngadalë se çduam dhe më ngadalë se çduhet. Vitin e ardhshëm do të bëjmë akoma më shumë. Do ulim koston e ngrohjes dhe do riciklojmë mbeturinat që mbushin lumenjtë. Me uljen e kostos së energjisë me 40 përqind edhe familjet do t’i paguajnë me më shumë kënaqësi faturat”, tha Rama nga qyteti i Korçës ku ishte për një inspektim në punimet e qendrës së re të qytetit.
Ai siguroi sipërmarrësit për mbështetje të mëtejshme dhe i quajti nostalgjikë sovjetikë gjithë kundërshtarët e kullës së re që po ndërtohet në Korçë.