"Arrest me burg" është masa e vendosur të hënën nga Gjykata e Lushnjës për Drejtoreshës së Arsimit të këtij qarku, Luiza Tabaku.
Avokati i saj mbrojtës, Kozma Jano e ka quajtur të paligjshëm arrestimin e Tabakut, mirëpo Gjykata ka vendosur që arrestimi i saj është në përputhje me ligjin.
Tabaku është arrestuar ditën e shtunë, më 22 nëntor, nën akuzën “shpërdorim detyre”, pasi rezulton se ka shfrytëzuar postin e saj për të kryer emërime në shkolla, kundrejt shumave të mëdha të parave.