Vijon aksioni i INUK-ut në kryeqytet. Sot INUK shembi një banesë 4-katëshe me shpërthim të kontrolluar. Aksioni i ndërmarrë kundër ndërtimeve pa leje, u zhvillua në Vaqarr, në zonën e njohurr si ‘Ura e Beshirit’.
Nga shembja e objektit pa leje nuk raportohet të ketë pasur dëmtime në banesa të tjera. Ky aksion u ndërmor në kuadër të projektit për zgjerimin e aksit Tiranë-Vaqarr, për shembjen e objekteve të paligjshme në të dy anët e rrugës.
Gjatë këtij aksioni u bllokua lëvizja e makinave nga ora 13:00-15:30 në aksin Tiranë-Vaqarr. Ndalimi i qarkullimit të makinave, u krye për arsye sigurie.