“Dyfytyrësia e Shpend Ahmetit” - Bota Sot
“Dyfytyrësia e Shpend Ahmetit”

Politika

E shtunë, 18 gusht 2018

“Dyfytyrësia e Shpend Ahmetit”

Drilon Rrahmani Nga Drilon Rrahmani Më 7 qershor 2018 Në ora: 23:11
Shpend Ahmeti

Njohësi i çështjeve politike në vend, Faik Krasniqi, ka komentuar përplasjen mes VV-së dhe PSD-së në komunën e Prishtinës, ku thotë se ndarja e kësaj partie do të ishte e evitueshme nëse të dorëhequrit e tanishëm do të hiqnin dorë nga kushtëzimi që Albin Kurti të mos jetë prapë kryetar i Vetëvendosjes.

“Nëse të revoltuarit e Vetëvendosjes do të heqnin dorë nga kushtëzimi i tyre për t’u kthyer prapë në parti, me pretekstin që Albin Kurti të mos kandidojë për kryetar partie, atëherë edhe ndarja do të ishte lehtë e evitueshme, dhe nuk do të vije puna që kjo parti të ndahej në dysh”, tha Krasniqi.

Ai e quan Shpend Ahmetin dyfytyrësh pasi ndarjen nuk e bëri publike para zgjedhjeve lokale, sepse sipas Krasniqit, ai ka qenë në dijeni se vetëm si kandidat i Vetëvendosjes do t'i fitonte prapë zgjedhjet.

Image
Faik Krasniqi
"Në anën tjetër është edhe dyfytyrësia e Shpend Ahmetit që ndarjen nga Vetëvendosja nuk e bëri publike para zgjedhjeve lokale, sepse ka qenë në dijeni se vetëm si kandidat i Vetëvendosjes do t'i fitonte prapë zgjedhjet, në të kundërtën as në balotazh nuk do të arrintë të shkonte”, theksoi Krasniqi.

Tradhtia e Shpend Ahmetit, e arsyeton bllokimin e punës së tij nga ana e asamblistëve të VV-së, thotë Krasniqi, ndërsa shton tutje se Ahmeti nuk është treguar serioz ndaj votës së kryeqytetasve.

“Por, edhe ish deputetët e VV-së që tani janë pjesë e PSD-së, e dimë fare mirë që janë bërë deputetë falë asaj që kanë qenë pjesë e Vetëvendosjes. Prandaj, është shumë e arsyeshme pse asamblistët e VV-së janë duke e bllokuar punën e Shpend Ahmetit, sepse kemi të bëjmë me një tradhti ndaj elektoratit. Në rastin e kundërt të njëjtën gjë do ta bënte edhe PSD-ja ndaj VV-së dhe çdo parti tjetër. Para se të ndahej nga partia që falë saj u rizgjodh kryetar i Prishtinës, është dashur ta mendojë mirë se si do vazhdonte tutje pa mbështetjen e ish partisë, sepse është kryetar kryeqytetit dhe i mbi 500 mijë banorëve të saj. Kjo tregon që z.Ahmeti nuk është serioz ndaj votës së kryeqytetasve”, përfundoi Krasniqi për “Bota sot”.

Komentet
comments powered by Disqus
Sot mund të lexoni Shfletoni kopertinat
Sondazh
test