Kryetarja e Komunës së Gjakovës, Mimoza Kusari Lila, ka nënshkruar sot kontratën për dhënjen në shfrytëzim të pronës komunale “Butsina e Begut”, me Drejtorin menaxhues të Kompanisë Bio Bahçe/Zero Pozitiv, z. Genc Meraku.
Kjo kompani do investoj në perimtari, blegtori,pemëtari, vlerën prej 2.373.101 euro dhe do të punësoj 34 përsona.
Kryetarja e Komunës së Gjakovës, Mimoza Kusari Lila, me këtë rast u shpreh se ky është fillimi i konkretizimit të projekteve që nxisin zhvillimin ekonomik, dhe në muajt në vazhdim pritet të konkretizohen edhe projektet tjera me investitorët që vetëm kanë treguar gadishmërinë për të investuar në Komunën e Gjakovës.
Palët kontraktuese e konfirmuan qëllimin e dhënies, përkatësisht marrjes në shfrytëzim afat gjatë të pronës komunale, me qëllim të shfrytëzimit sa më racional të tokës bujqësore, rritjen e kapaciteteve prodhuese dhe përpunuese në sektorin e perimtarisë, si dhe krijimin e vendeve të reja të punës.
