Lojtarët kosovarë që sot do të përballen kundër atyre të Guineas Ekuatorile, nuk i ka lënë pa mbështetje, zëvendëskryeministri i Kosovës, Hashim Thaçi.
Ai ka shkuar t`i takojë djemtë, duke iu dhënë atyre përkrahjen dhe duke shpresuar se së shpejti Kosova do të anëtarësohet në FIFA dhe UEFA.
Më poshtë mund ta lexoni shkrimin e Thaçit në Facebook:
I uroj sukses skuadrës përfaqësuese të Kosovës që pas pak do të zhvillojë një ndeshje miqësore kundër përfaqësueses nga Guinea Ekuatoriale. Bashkë me këtë urim shpreh edhe besimin e plotë që së shpejti do të anëtarësohemi në FIFA dhe UEFA dhe do të shohim djemtë tanë që të mbrojnë ngjyrat e flamurit të Kosovës në garat dhe fushat më prestigjioze futbollistike botërore. HTH