Riarrestimi i Ukë Rugovës do të përfundojë në Supreme, e nëse nuk gjen zgjidhje, rrugëtimi do të jetë për në Gjykatën Kushtetues të Kosovës.
Këtë e kanë bërë të ditur avokatët e tij mbrojtës në emisionin Rubikon.
Duke e cilësuar këtë vendim si antikushtetues, mbrojtja do të kërkojë interpretimin e Kushtetueses.
Ish-ministri i Kulturës, Astrit Haraqija, vazhdon ta mbrojë bashkëpunëtorin e tij, Ukë Rugova, duke thënë se ai nuk ka bërë tregti me njerëz, por ka ndihmuar familjarët të pajisen me viza.
Haraqija thotë se një gjë të tillë e ka bërë edhe vetë në kohën sa ishte ministër.
Sipas tij, arrestimi dhe riarrestimi i Ukë Rugovës është tipik politik dhe kjo u ka konvenuar jo vetëm strukturave të LDK-së, por edhe atyre të PDK-së dhe AAK-së, për arsyen e vetme që familja Rugova ka elektorat.