Qendërmbrojtësi i Barcelonës, Ronald Araujo ka analizuar shortin e çerekfinaleve të Championsit, ku do të përballen me PSG-në.
25-vjeçari u shpreh se Mbape është një lojtar i madh dhe se do mundohet ti kundërpërgjigjet me futboll të mirë.
“Kilian Mbape është një lojtar i madh, më i rrezikshmi në duelet një për një.
Ai është një futbollist shumë i rëndësishëm për ta. Ende nuk e di se çfarë pozicioni do të luajë.
Ne e dimë cilësinë që ka. Ata gjithashtu kanë Ousmane Dembele, i cili më parë ishte te Barcelona dhe është shumë i mirë në luftën një-për-një.
Ne do të mundohemi t’i përgjigjemi individualiteteve të tyre, me futbollin tonë”, tha ai duke folur për mikrofonat e “TV3”.
