Një gol aspak i zakontë është shënuar në derbin e ligës turke mes Besiktasit dhe Fenerbahces.
Dhe, këtë arriti ta realizojë pikërisht një futbolliste shqiptare.
Bëhet fjalë për lojtaren e Besiktasit, Donjeta Halilaj, e cila arriti që me dinakëri t’ia largonte me kokë topin portieres kundërshtare, ndërsa më pas shënoi me këmbë për ta ngushtuar rezultatin në 2:3, në minutat shtesë të lojës.
Fenerbahçe-Beşiktaş derbisinde Halilaj'ın attığı gol. pic.twitter.com/eaqmsV1vvS
— Boşuna Tıklama (@bosunatiklama) November 20, 2023
Ajo nuk u gëzua fillimisht derisa gjyqtarja e drejtoi dorën tek mesi i fushës, që nënkuptonte se goli ishte i rregullt.
Ekipi kundërshtar u ankua tek referja, por ajo nuk e ndërroi vendimin e saj.
Ky gol e ka bërë xhiron në internet pasi po konsiderohet si goli më i pazakontë i vitit.
