Deputeti i Kuvendit të Kosovës nga radhët e Partisë Socialdemokrate, Dardan Molliqaj, thotë se rruga Deçan-Plavë është rrugë me interes nacional për shkak se e zhvillon turizmin në Grykën e Deçanit dhe e lidhë Kosovën me Malin e Zi.
Molliqaj thotë se bllokimi i punimeve në këtë rrugë është cenim i lirisë së lëvizjes së qytetarëve.
Ai përmes një postimi në llogarinë e tij në Facebook thotë se shpreson se Qeveria e Kosovës do t’i vazhdojë punimet, pavarësisht pengesave të politikave fashiste të Serbisë.
Ja postimi i plotë i Molliqajt:
Rruga Deçan-Plavë është rrugë me interes nacional për shkak se e zhvillon turizmin në Grykën e Deçanit dhe e lidhë Kosovën me Malin e Zi.
Fatkeqësisht, punimet në këtë rrugë ë janë ndërprerë nga Manastiri i Deçanit i cili vazhdimisht zbaton urdhërat e Beogradit duke e pamunundësuar kështu zhvillimin e këtij qyteti, i cili është ndër qytetet më të varfëra në Kosovë.
Bllokimi i punimeve në këtë rrugë është cenim i lirisë së lëvizjes së qytetarëve. Shpresoj që Qeveria e Kosovës do t’i vazhdojë punimet pavarësisht pengesave të politikave fashiste të Serbisë.
