Kryetari i Kuvendit të Republikës, Kadri Veseli ka reaguar edhe njëherë lidhur me përplasjen fizike ndërmjet nënkryetarit, Xhavit Haliti dhe deputetit të LDK-së, Arben Gashi.
Kryeparlamentari theksoi se kësaj radhe nuk do të ketë dënime mirëpo kërkoi nga dy deputetët që qëndrimet politike t’i bartin në mënyrë sa më dinjitoze.
“Jam shumë i bindur në mirëkuptimin e dy kolegëve të nderuar që bashkërisht ta tejkalojmë këtë situatë dhe kjo të jetë e harruar. Sjelljet janë të papranueshme, qoftë gjuha fyese qoftë sjellja aq më tepër që mund të jetë cenuese. Do të jetë e patolerueshme. Është reagimi jonë i fundit në këtë mënyrë por do të marrim edhe masa të cilat do të jenë komfort rregullores së Kuvendit të Kosovës”, ka thënë ai.