Kryetari i Partisë Fjala Gëzim Kelmendi, i ka reaguar ashpër zëvendëskryeministrit Fatmir Limaj, i cili sonte ka thënë se nuk do ta lejonte presidentin të përzihej në punët e Qeverisë.
Kelmendi ia ka kujtuar Limajt, se ai është pjesë e qeverisë bashkë me PDK-në dhe se presidenti nuk i pyet ata për asgjë, përcjell Bota sot.
Sipas Kelmendit, qeveritarët dinë vetëm të “rrisin parat, të pinë raki e të gjuajnë me armë në oda”.
Më poshtë reagimi i plotë i Kelmendit:
Gëzim Kelmendi: Të fala nga Shkupi Zv.Kryeministër Limaj
Zv.Kryeministri Limaj paska deklaruar se nuk do ta kishte lejuar Presidentin të përzihet në punët e qeverisë.
Zv.Kryeministër Limaj, ju jeni pjesë e qeverisë Haradinaj sëbashku me PDK-në.
Presidenti jo vetëm që po përzihet, por edhe po iu tregon se ai hala është "bossi".
Iu pëlqej apo jo, ai nuk po iu pyet për asgjë.
E pse ju jeni " qyqana" ai nuk iu ka faj.
Populli e ka një fjali popullore "edhe të rreh edhe nuk të lenë me kajtë"
Është turp për juve qeverinë e Kosovës kur askush nuk iu pyet për asgjë.
Ju dini vetëm me ia rrit vetit pagat, me pi raki me mish, me gjujtë me armë nëpër oda, me i rehatu bashkëpartiakët e juaj në pozita të zv. ministrave dhe këshilltarëve.
Ndërsa për punët shtetërore, ju kur pyeteni, thuani nuk dijmë.
Nuk dini kush e ka arrestu Gjuriqin, kush i ka arrestu "gylenistët" dhe shumë gjëra nuk po i dini, por lluksin po e dini.
Zv.Kryeminstër Limaj, edhe pse ndodhem në Shkup në një dasëm shqiptare mes vllezërve të mi shqiptarë, kjo deklaratë jo e sinqertë e jotja, më detyroj të shkruaj.
