Avokati i njohur Arianit Koci, ka kritikuar panikun dhe shqetësimin, të cilin sipas tij, po e krijojnë veturat zyrtare, nëpër kryeqytet.
Koci, përmes një postimi në Facebook, ka treguar një rast të një “vozitjeje të egër” në Prishtinë, derisa ka thënë se as presidenti, as kryeministri e as kryeparlamentari nuk kanë nevojë vazhdimisht të lëvizin me drita rotacion, e me shumë zhurmë.
“Vërtetë nuk po durohet zhurma, tollovia dhe paniku që po e krijojnë këto vetura në Prishtinë”, ka shkruar avokati Koci, përcjell Bota sot.
Postimi i plotë i Kocit:
Prapanica e turli papaki, primitivi e analfabeti, është bërë me funksion.
Nuk e besoni çfarë panike dhe shqetësimi po e bëjnë veturat zyrtare, me sirena dhe me drita rotacion.
Pak më herët, një Audi me tabela zyrtare, sigurt nuk është vetura e presidentit, kryeministrit apo kryeparlamentarit - se i njoh, me një vozitje të egër, natyrisht me rotacion dhe sirenë, për pak më aksidentoj prej mbrapa.
Ja ngrita dorën. Xhamat ishin të hijëzuara. Nuk e pashë kush është mbrapa.
U ndal Audi. Shoferi doli prej kerrit me hëz. Asi shoferi që nuk e din a është truproje, bishë apo papak primitiv.
Kur u afrua te kerri, edhe une dola me hëz.
“Aaaa avokat - ti koke a?”. tha tipi që ishte në gjendje gatishmërie me më sulmu.
“ Boni të fala... (nuk po ja them emrin)” - vazhdoi shoferi.
Pa pikë faji, pata me i hangër do shuplaka të nxehta, po të mos më njihte e po të mos isha ky që jam!
Përndyrshe, as presidenti, as kryeministri e as kryeparlamentari nuk kanë nevojë vazhdimisht me lëviz me drita rotacion, e me shumë zhurmë. Vërtetë nuk po durohet zhurma, tollovia dhe paniku që po e krijojnë këto vetura në Prishtinë./BS