Kryeparlamentari Kadri Veseli, ka pritur sot në takim Zëvendësndihmësin e Sekretarit të Përgjithshëm të NATO-s, Jamie Shea.
Veseli e ka falënderuar ish-zëdhënësin e NATO-s gjatë intervenimit të Aleancës Veriatlantike në kohën e luftës në Kosovë për angazhimin e treguar dhe kontributin e dhënë.
Kreu i kuvendit poashtu, ka falënderuar Aleancwn Veri-Atlantike për ndihmën e dhënë për qytetarët, si dhe për mbështetjen që vazhdon ta japë për Kosovën, sidomos për ngritjen e kapaciteteve të plota për transformimin e Forcës së Sigurisë së Kosovës në Ushtri.
Nga ana e tij, Zëvendës-Ndihmësi i Sekretarit të Përgjithshëm të NATO-s, Jamie Shea, pasi ka falënderuar Kryeparlamentarin Veseli për pritjen, ka vlerësuar lart të arriturat e shtetit të Kosovës.
Ai është shprehur i kënaqur me përparimet në Kosovë dhe ka shprehur besimin se vendi është në rrugën e drejtë për t’u anëtarësuar në NATO.
