Kryetar i Ballit Kombëtar Demokrat për Kosovë, Gazmed Isalmi ka reaguar lidhur me debatin për transformimin e Forcës së Sigurisë së Kosovës në Ushtri.
Në reagimin e Islamit thuhet se ne si BKD duam që Ushtria jonë të ketë bashkëpunim me ushtrinë e SHBA-së dhe NATO-n, sidomos kur e dimë që FSK të gjitha ndihmat dhe trajnimet i merr nga SHBA
“BKD- Ushtria të krijohet në partneritet me SHBA-në dhe NATO-n
Kosovës i duhet ushtria, sidomos pas provokimeve të fundit dhe ofenzivës serbe ndaj Republikës së Kosovës. Por, këmbëngulësia e Hashim Thaçit që FSK-ja të transformohet në Forca të Armatosura me ndonjë ligj është çështje që mund të kontestohet. Ajo mund të kontestohet nga Gjykata Kushtetuese, por çfarë është më e keqja ajo mund të kontestohet edhe nga gjithë partnerët tanë dhe miqtë tanë ndërkombëtarë. Ne si BKD duam që Ushtria jonë të ketë bashkëpunim me ushtrinë e SHBA-së dhe NATO-n, sidomos kur e dimë që FSK të gjitha ndihmat dhe trajnimet i merr nga SHBA. Kosova duhet t’a krijojë ushtrinë sa më shpejtë në partneritet dhe me mbështjetje të SHBA-së dhe Nato-s. Nuk na duhet një ushtri sa për sy e faqe që nuk e ka mbështetjen e miqëve dhe aleatëve tanë strategjikë. Prandaj duhet pasur kujdes rreth kësaj çështje”, ka shkruar Islami në Facebook./BS