Xhavit Drenori, kandidat i pavarur për kryetar të Komunës së Drenasit, përmes një postimi në facebook, ka shkruar për keqpërdorimet e bëra nga kandidati i PDK-së për kryetar, Ramiz Lladrovci.
“Programin e finalizum për zgjedhje sot e diskutova me prindin tim dhe i mora disa këshilla se si luftohen analfabetët me diploma. Me pyeti: “Çka ka ba Ramizi me thasët me para që ishin transportuar me kamionetën e portokalltë pas lufte dhe ishin ruajtur nga disa njerëz të fshatit tonë? (Para të mbledhura nga fondet për luftën). Ju përgjigja: “ Për disa thasë tashmë është dëshmu se ku i ka lanë”: Një thes, investime në pallatin e tij në Gllanasellë”, ka shkruar Drenori./BS/
Ja postimi i plotë i tij:
BASHKBISEDIM ME BABËN
Programin e finalizum për zgjedhje sot e diskutova me prindin tim dhe i mora disa këshilla se si luftohen analfabetët me diploma.
Me pyeti: “Çka ka ba Ramizi me thasët me para që ishin transportuar me kamionetën e portokalltë pas lufte dhe ishin ruajtur nga disa njerëz të fshatit tonë? (Para të mbledhura nga fondet për luftën).
Ju përgjigja: “ Për disa thasë tashmë është dëshmu se ku i ka lanë”:
Një thes, investime në pallatin e tij në Gllanasellë;
Një thes, investime në toka të privatizuara, 14 hektarë në Zabel të Poshtëm / Krajkovë nga F.Sh. (me çmim 125 euro për ari); 10 hektarë në Komoran nga N.M. (me çmim 130 euro për ari); 6 hektarë në Gllobar nga Xh.G.; disa ari në Prishtinë; disa banesa në Prishtinë, etj.
Një thes, për ti blerë votat për deputet në vitin 2010, ku disa prej parave të këtyre zgjedhjeve kishin përfunduar edhe në fshatin tonë, madje në një odë të kojshive (lagje tjetër) kishte pasur edhe rrahje sepse dikush kishte marrë më shumë e dikush më pak nga ato para.
Një thes tash për këtë fushatë të egër zgjedhore në Drenas.
Për tjerë thasë i premtova se do të punoj intenzivisht me i identifiku dhe kur një ditë të kemi bërë shtetin ku sundon ligji, do ta detyrojmë t’ia kthejë popullit milionat që ishin mbledhur për luftë.
Nuk u çudit prindi im, sepse më tha që Ramizin e njohim që prej sa ishte fëmi, por si nxënës i dobët (gjatë shkollimit kishte humbur edhe vitin si nxënës ngelaq), po çuditem tha se si diti burri i botës me i vjedhë dhe me i keqpërdorë gjithë ato para dhe tash pa fije turpi vjen me kërku besim për më e qeverisë Drenasin!
Me pyeti edhe për këtë: “ A mos ju kan hargju parët dhe po don prap me na plaçkitë, siç i kishte plaçkitur mërgimtarët gjatë luftës?”
Ju përgjigja: “Mos baj dert se aty afër më ka, edhe nesë arrinë me i ble votat, nga pozita e asamblistit nuk e lejoj!”.
Për fund me tha: “Bir, muje dhe ç’liroe Drenasin nga hajnat se na kan zanë frymën” !
Ju përgjigja: “Qytetarët e Drenasit do ta mposhtin me votën e tyre, e unë jam thjeshtë një argat i qytetarëve!”
