“Ish-komandantët e UÇK-së që kanë dalë pro-kishës së Arkanit dhe Millosheviçit janë turpi i Kosovës. Ata po i shërbejnë interesave të veta dhe assesi rehabilitimit të viktimave të gjenocidit serbomadh”, ka thënë Gashi. Sipas tij, objekti i ndërtuar në kampusin e Universitetit të Prishtinës nuk është Kishë në kuptimin e mirëfilltë të fjalës.
Një objekt i destinuar për Kishë Ortodokse, ndërtimi i së cilës u la në gjysmë duke dhënë mesazhin se ato mure nuk e kishin vendin aty, ka ngjallur reagime 17 vjet pas përfundimit të luftës në Kosovë. Brenda kampusit të Universitetit të Prishtinës, vazhdon të qëndroj objekti kishtar i ndërtuar në kohën e fillimit të gjenocidit serb në Kosovë. E sikur të mos mjaftonte tmerri që shqiptarët e Kosovës përjetuan gjatë luftës, Serbia tani po synon të bëjë rinovimin dhe funksionalizimit e kësaj kishe. Kjo është kundërshtuar ashpër nga subjektet politike opozitare të cilat po kërkojnë rrënimin e kësaj kishe. Presidenti i vendit Hashim Thaçi ka deklaruar se kisha nuk do të rrënohet, derisa në të njëjtën mënyrë është deklaruar edhe ish Komandanti i UÇK-së Rrustem Mustafa, i cili ka kërkuar që kisha t`u shërbejë qytetarëve të besimit ortodoks.
Analisti Arbër Gashi, duke folur për mënyrën se si ish Komandantët e UÇK-së, po i dalin në mbrojtje këtij simboli të kobshëm për shqiptarët, ka thënë se, të njëjtit po iu shërbejnë interesave të veta. “Ish -komandantët e UÇK-së që kanë dalë pro-kishës së Arkanit dhe Millosheviçit janë turpi i Kosovës. Ata po i shërbejnë interesave të veta dhe assesi rehabilitimit të viktimave të gjenocidit serbomadh”, ka thënë Gashi.
Sipas tij, objekti i ndërtuar në kampusin e Universitetit të Prishtinës nuk është Kishë në kuptimin e mirëfilltë të fjalës. “Është objekt i cili simbolizon triumfin e dhunës djallëzore të pushtuesit gjakatar serbomadh kundër vlerave të qytetërimit autokton. Është objekt i cili simbolizon fitoren e pakontestueshme dhe rehabilitimin formal e juridik të hordhive dhunuese të Arkanit ndaj gruas, vajzës dhe rinisë së pambrojtur shqiptare gjatë kohës së sundimit të egër pushtues dhe gjenocidal të Serbisë. Është objekt i cili simbolizon aspiratat e kriminelëve të luftës për rehabilitim euro-atlantik të krimit, dhunës dhe programeve politike e ushtarake të Serbisë për shfarosjen e shqiptarëve. Është objekt i cili simbolizon kundërshtimin e njohjes së realitetit, ballafaqimit civilizues me të kaluarën e zezë dhe pendimin e munguar të Kishës ortodokse të Serbisë.
(Tekstin e plotë mund ta lexoni të Enjten në publikimin e shtypur të gazetës kombëtare “Bota sot”)
