Partizani ka arritur të fitojë gjyqin me Splitin për ish-mbrojtësin e të kuqve, Amir Rrahmanin.
Klubi kryeqytetas ka kërkuar dëmshpërblimin që i takonte sipas rregullores së FIFA-s që ka lidhje me periudhën e formimit dyvjeçar të Rrahmanit te “demat e kuq”.
Klubi kroat e mori me parametër zero ish-lojtarin e Partizanit, pikërisht në moshën 21-vjeçare.
RNK Split nuk ka pranuar të derdhë dëmshpërblim në arkën e Partizanit, kështu që të kuqtë i janë drejtuar FIFA-s, e cila në përfundim të procesit i ka dhënë të drejtë klubit shqiptar. Në këto kushte Partizani prite të përfitojë rreth 70 mijë euro nga RNK Split.
