West Ham është kualifikuar për në raundin tjetër të FA Cup, pasi ka arritur që në ndeshjen e kthimit në Upton Park, të mposht Liverpoolin, 2:1, pas vazhdimeve.
Ndeshja e parë në Anfield Road, pati përfunduar 0:0.
Në kohën e rregullt të ndeshjes, të dy skuadrat shënuan nga një gol në të dy pjesët, për të dërguar ndeshjen në vazhdime.
Ener Valencia në minutën e 45’, e kaloi në epërsi West Hamin.
Me të filluar pjesa e dytë, Liverpooli gjeti barazimin kur Philippe Coutinho me një eurogol, barazoi rezultatin në 1:1.
Në fundin e pjesës së dytë të vazhdimeve, West Ham me anë të mbrojtësit Ogbonna, shënoi golin e dytë, golin e kualifikimit për skuadrën e kroatit Slaven Bilic.
