Asi i Real Madridit është golashënuesi më i spikatur i Europës edicionin e shkuar, rrjedhimisht kandidat i denjë për Topin e Artë për këtë vit.
Cristiano Ronaldo është duke bërë gjithçka për t’u barazuar me Lionel Messin sa i përket numrit të Topave të Artë të fituar.
Ai e ka pranuar këtë gjë kur fitoi të tretin në karrierë dhe të dytin si lojtar i Real Madridit vitin e shkuar.
Efikasiteti i tij para golit e dëshmon kandidaturën e tij për 2015-ën, vit gjatë të cilit Los Blancos nuk kanë fituar gjë.
Portugezi mori “Pichichin”, si golashënuesi më i mië në La Liga dhe Këpucën e Artë me 48 golat e tij në sezonin 2014-15.
Ai po ashtu ishte bashkë-golashënuesi më i mirë i Ligës së Kampionëve, me Messin dhe Neymarin – dy lojtarët tjerë që janë në garë për çmimin këtë vit.
Por Cristiano ka qenë më i heshtur se zakonisht në fillim të edicionit të ri.
Megjithë formën jo të lartë ai vazhdon të shënojë gola – nëntë dhe është golashënuesi më i mirë i Ligës së Kampionëve deri tani me shtatë gola.
