Menaxheri i Chelseas, Jose Mourinho ka vetëm lëvdata për sulmuesin e Tottenhamit, Harry Kane.
Menaxheri i Chelseas, Jose Mourinho, ka lavdëruar sulmuesin e Tottenhamit, Harry Kane.
Por, ai refuzoi të konfirmojë interesimin për transferimin e tij në Stamford Bridge.
“Kur e shihni duke luajtur, pa dyshim se e kuptoni se bëhet fjalë për një sulmues të mirë”, deklaroi Moruinho gjatë një konference për media.
“Afati kalimtar varet nga ato që janë synimet e klubit, dhe ato që janë nevojat e ekipit. Në janar nuk pres të realizojmë përforcime. Pres që të vazhdojmë me këtë grup të futbollistëve”, u shpreh ai.
