Mesfushori i Bayern Munichut, Arturo Vidal ka thënë se kampioni i Bundesligës është shumë më e fortë se ish ekipi i tij, Juventus.
Mesfushori i Bayern Munichut, Arturo Vidal ka mbrojtur vendimin e tij për transferim në Allianz Arena.
Ai ka thënë se kampioni i Bundesligës është shumë më e fortë se ish ekipi i tij, Juventus.
“Në këtë moment, Bayern është shumë më i fortë se Juventus”, deklaroi Vidal për “Goal.com”.
“Këtu janë disa prej futbollistëve më të mirë në botë, dhe unë shpresoj t’u ndihmoj që të fitojnë. Edhe Bianconerët janë një ekip i mirë, por ekziston një dallim i madh. Në Torino jam ndjerë mirë, por tani këtu ndihem si në shtëpinë time”, u shpreh reprezentuesi kilian.