Drejtori i Përgjithshëm i Partizanit, Dritan Dervishi, foli edhe për mbrojtësin e kombëtares kuqezi Arlind Ajeti. 22-vjeçari gjatë kësaj jave firmosi një kontratë me Frosinonen por nëse Ajeti do të kishte pranuar ofertën e Veronës, klubit të Serie A që ka nënshkruar një marrëveshje bashkëpunimi me Partizani në janar mund të ishte bërë pjesë e kryeqytetasve.
“Ajeti? Përpara se të firmoste me Frosinonen, ishte shumë pranë nënshkrimit të një kontrate trevjeçare me Veronën, nëse kjo ndodhte Ajeti mund të bëhej pjesë e Partizanit, por në fund gjithçka dështoi për shkak të ndërhyrjes së një personi”, tha Dervishi.