Barcelona brenda katër ditëve realizoi dhjetë gola! Të shtunën e kaluar në Santiago Bernabeu triumfuan (në derbin e madh botëror) ndaj Barcelonës me rezultat 4:0, ndërsa të martën në mbrëmje në Camp Nou e shkërmoqën me 6:1 Romën. Trajneri i Barcelonës, Luis Enrique, tha se ka ende vend për përmirësime, por në anën tjetër e pranon se janë duke kaluar një moment vërtet të mirë si ekip. “Kur ju shihni futbollistët tuaj të kenë këtë argëtim jashtë fushës, ju jeni të lumtur. Ne kemi marrë çdo lojë me seriozitet dhe nevojën për të ditur se kjo është pjesa më e rëndësishme e sezonit dhe do të jetë e rëndësishme për të krijuar këtë lloj presioni për të marrë rezultate të mira. S'ka dyshim se ne mund të përmirësohemi në shumë gjëra. Në një sport kompleks si futbolli, ka gjithmonë vend për përmirësim. Ne jemi në një moment të mirë dhe ne duhet të marrim përparësi maksimale”, ka thënë Enrique.
