Sergio Aguero, ka thënë se është i lumtur me pesë golat e shënuar dhe nuk është inatosur pasi u zëvendësua nga trajneri, 28 minuta pa përfunduar ndeshja.
Aguero kishte telashe me një lëndim, andaj Pellegrini nuk deshi të rrezikonte duke e zëvendësuar atë me Wilfried Bonyn.
“Jam shumë i lumtur. Jam i lumtur me golat por për mua tre pikët janë më të rëndësishme se golat. Pesë gola është mjaft mirë dhe jam i lumtur”, theksoi sulmuesi.
“Zëvendësimi im ishte vendim i mirë i menaxherit, për t’a parandaluar ndonjë rrezik”, tha Aguero.
