Seydou Keita është i bindur se Roma mund të veprojë më mirë se në sezonin e kaluar dhe të fitojë trofe në edicionin që vjen.
“Përvoja ime në Itali po shkon shumë mirë. Patëm një sezon të mirë, zumë vendin e dytë, përkundër vështirësive që patëm në periudhën e fundit të fushatës”.
“Në fund të fundit, e konsideroj si një sezon pozitiv pasi mbetëm prapa Juventusit, skuadrës e cila luajti në finale të Ligës së Kampionëve”.
“Jemi një skuadër me ambicie për të fituar trofe, qoftë në Serie A ose në nivel Kupe”.
“Është e qartë se Juventusi mbetet favorit për Scudetto, por ne kemi një ekip që mund të luajë më mirë se në sezonin e kaluar”, ka deklaruar Keita.
Këto komente, mesfushori i ka bërë për faqen zyrtare të Barcelonës, para ndeshjes së tyre miqësore për Trofeun Gamper.