Trajneri i Romës, Rudi Garcia, është i bindur se Juventusi do të mbetet forcë dominuese në Itali edhe në vitet e ardhshme.
Giallorossët ishin fantastikë në pjesën e parë të sezonit, por në gjysmën e dytë forma e tyre pësoi rënie dhe Bianconerët nuk e patën të vështirë ta fitonin titullin.
Për më shumë, Zonja e Vjetër e ka fituar edhe Kupën e Italisë këtë sezon dhe është në finale të Ligës së Kampionëve.
“Rrjedha e sezonit asnjëherë nuk është e rehatshme dhe ne u desh të përballemi me disa momente të vështira”.
“Roma ka njërin prej projekteve më të mira në futbollin evropian dhe botëror, por ne nuk mund ta tejkalojmë veten”.
“Vlerësimi ynë i përgjithshëm është se ne përfunduam në krye ‘të ligës sonë’. Juve aktualisht është në një ligë më vete”, ka deklaruar Garcia.