Mesfushori i Chelseat, Eden Hazard, është shpallur ‘PFA Lojtari i vitit’ duke mposhtur konkurrencën e David De Gea (Manchester United) dhe Harry Kane (Tottenham Hotspur).
Belgu ka qenë ndër lojtarët më meritorë që Blutë do të kurorëzohen me titullin e Ligës Premier këtë sezon, ndërsa ka shënuar 13 gola dhe ka dhuruar tetë asistime deri më tani.
Derisa disa bashkëlojtarë të tij ranë nga forma në pjesën e dytë të sezonit (p.sh Cesc Fabregas), Hazard vazhdoi të luante mirë dhe me plot meritë e fiton këtë çmim.
Aftësitë e tij dhe golat e rëndësishëm e kanë bërë që të renditet para portierit të Djajve të Kuq dhe sensacionit të sivjetmë të Spursave.
De Gea ka qenë vendimtar në përparimin e skuadrës së tij këtë sezon, derisa 21-vjeçari Kane ka shënuar 30 gola këtë edicion (20 në Ligën Premier).
Në garë për këtë çmim ishin edhe Philippe Coutinho (Liverpool), Alexis Sanchez (Arsenal) dhe Diego Costa (Chelsea).